சட்டவிரோதமாக ஊடுருவியவர்களுக்கு வாக்குரிமை கிடையாது

அமித் ஷா திட்டவட்டம்

- 

சீதாமர்ஹி (பிகார்), ஆக. 8: நாட்டுக் குள் சட்டவிரோதமாக ஊடுருவியவர்களுக்கு வாக்களிக்க உரிமை கிடையாது என்று மத்திய உள்துறை அமைச்சர் அமித் ஷா திட்டவட்டமாகத் தெரிவித்தார்.

மேலும், தங்களின் வாக்கு வங்கியைப் பாதுகாக்கவே, பிகார் வாக்காளர் பட்டியல் சிறப்புத் தீவிரத் திருத்தத்துக்கு எதிர்க்கட்சிகள் எதிர்ப்புத் தெரிவிக்கின்றன என்றும் அவர் குற்றஞ்சாட்டினார்.

நடப்பாண்டின் இறுதியில் பேரவைத் தேர்தல் நடைபெறும் பிகாரில் தகுதியற்ற வாக்காளர்களின் பெயர்களை களையெடுப்பதாகக் குறிப்பிட்டு, தேர்தல் ஆணையத்தால் வாக்காளர் பட்டியல் சிறப்புத் தீவிரத் திருத்த நடவடிக்கை மேற்கொள்ளப்பட்டுள்ளது. இதன் முதல்கட்டப் பணிகள் அண்மையில் நிறைவடைந்து, வரைவு வாக்காளர் பட்டியல் வெளியிடப்பட்டது. இதில் 65 லட்சம் பேரின் பெயர்கள் இடம்பெறவில்லை.