வகுப்புவாத வெறுப்பை பரப்ப முயற்சி: கேரள முதல்வர் சாடல்

சர்ச்சைக்குரிய 'தி கேரளா ஸ்டோரி' ஹிந்தி திரைப்படத்துக்கு 2 தேசிய விருதுகள் அறிவிக்கப்பட்ட நிலையில், இது வகுப்புவாத வெறுப்பை பரப்ப திரைப்படங்களைத் தவறாகப் பயன்படுத்தும் முயற்சி என்று கேரள முதல்வர் பினராயி விஜயன் சாடினார்.

- 

திருவனந்தபுரம், ஆக. 2:

கேரளத்தின் மதச்சார்பற்ற பாரம்பரியத்தை அவமதிக்கும் இந்தத் திரைப்படத்துக்கு தேசிய விருது கௌரவம் அளிக்கப்பட்டது மிகவும் துரதிருஷ்டவசமானது என்றும் அவர் குறிப்பிட்டார்.

2023-ஆம் ஆண்டுக்கான தேசிய திரைப்பட விருதுகள் வெள்ளிக்கிழமை அறிவிக்கப்பட்டன. இதில், சர்ச்சைக்குரிய 'தி கேரளா ஸ்டோரி' திரைப்பட இயக்குநர் சுதீப்தோ சென், சிறந்த இயக்குநருக்கான விருதுக்கு தேர்வானார். சிறந்த ஒளிப்பதிவுக்கான தேசிய விருதும் இத்திரைப்படத்துக்கு கிடைத்தது.