கடம்பவனேஸ்வரர், செங்குணம் கோயில்களில் தேரோட்டம்

குளித்தலை கடம்பவனேஸ்வரர், செங்குணம் மகா மாரியம்மன் கோயில்களில் தேரோட்டம் திங்கள்கிழமை நடைபெற்றது.

- 

கரூர் / பெரம்பலூர், ஜூலை 28:

கரூர் மாவட்டம், குளித்தலை கடம்பவனேஸ்வரர் கோயில் ஆடிப்பூரத் தேரோட்ட விழா ஜூலை 20-ஆம் தேதி கொடியேற்றத்துடன் தொடங்கியது. அதைத் தொடர்ந்து தினமும் சுவாமிகள் யாழி, அன்னம் உள்ளிட்ட பல்வேறு வாகனங்களிலும், வெள்ளிப் பல்லக்குகளிலும் திருவீதி உலா வந்தனர். தொடர்ந்து விழாவின் முக்கிய நிகழ்ச்சியான ஆடிப்பூரத் தேரோட்டம் திங்கள்கிழமை நடைபெற்றது.

முன்னதாக, கடம்பவனேஸ்வரர் சுவாமிகளுக்கு சிறப்பு அபிஷேக, ஆராதனைகள் நடைபெற்றது. தொடர்ந்து சிறப்பு அலங்காரத்தில் சுவாமிகள் தேரில் எழுந்தருளினர். பின்னர் சிறப்பு தீபாராதனை காண்பிக்கப்பட்டு தேரோட்டம் தொடங்கியது. தேரைப் பக்தர்கள் வடம்பிடித்து இழுத்தனர்.