சட்டம்-ஒழுங்கு பிரச்னைக்காக கோயிலை பூட்டி வைக்கக் கூடாது

உயர்நீதிமன்றம்

- 

மதுரை, ஜூலை 19: சட்டம்-ஒழுங்கு பிரச்னை ஏற்படலாம் என்ற அனுமானத்தில், கோயிலை ஆண்டுக் கணக்கில் பூட்டி வைத்திருப்பது ஏற்புடையதல்ல என சென்னை உயர்நீதிமன்ற மதுரை அமர்வு தெரிவித்தது.

கரூர் மாவட்டம், சின்னதாராபுரத்தில் அமைந்துள்ள மாரியம்மன் கோயிலில் வழிபாடு மேற்கொள்வது தொடர்பாக இருவேறு சமூகத்தினரிடையே கடந்த 2018-ஆம் ஆண்டு பிரச்னை ஏற்பட்டது. இது தொடர்பாக வருவாய்க் கோட்டாட்சியர் தலைமையில் நடத்தப்பட்ட அமைதிப் பேச்சுவார்த்தையில் தீர்வு எட்டப்படாததால், கோயிலில் பொது வழிபாட்டுக்குத் தடை செய்யப்பட்டது. எனினும், அம்மனுக்கு பூஜைகள் மட்டும் நடத்தி கோயில் மூடப்படுகிறது.

இந்தக் கோயிலை பொதுமக்கள் வழிபாட்டுக்காக மீண்டும் திறக்கக் கோரி, வன்னியகுல சத்திரியர் நல அறக்கட்டளைத் தலைவர் முருகன் சென்னை உயர்நீதிமன்ற மதுரை அமர்வில் மனு தாக்கல் செய்தார். இதேபோல, இந்தக் கோயிலில் பட்டியலின மக்களை வழிபாட்டுக்கு அனுமதிக்கக் கோரி, மாரிமுத்து என்பவர் மனு தாக்கல் செய்தார்.