காவல் துறையினரின் செயல்பாடு திருப்தியாக இல்லை

உயர்நீதிமன்றம் வேதனை

- 

மதுரை, ஜூன் 20: காவல் நிலையத்தில் புகார் அளிக்க வரும் பொதுமக்களிடம் காவல் துறையினர் நடந்து கொள்ளும் விதம் திருப்தியாக இல்லை என சென்னை உயர் நீதிமன்ற மதுரை அமர்வு வேதனை தெரிவித்தது.

மதுரை விளாங்குடி பகுதியைச் சேர்ந்த சுரேஷ் சென்னை உயர்நீதிமன்ற மதுரை அமர்வில் தாக்கல் செய்த மனு:

பல்வேறு வீட்டு உபயோகப் பொருள்கள் விற்பனை செய்யும் ஏ.ஆர்.ஏ.எஸ். அப்ளையன்ஸ் நிறுவனத்தில் மேலாண்மை இயக்குநராக நான் பணியாற்றி வருகிறேன். மதுரை மாவட்டம், அய்யன்கோட்டை, நகரி ஆகிய இடங்களில் எங்களது நிறுவனத்துக்குச் சொந்தமான பொருள்கள் வைப்பதற்கான கிடங்குகள் உள்ளன. இங்குள்ள பொருள்களை வாகனங்களில் ஏற்றி, இறக்கும் பணியில் 30-க்கும் மேற்பட்ட தொழிலாளர்கள் ஈடுபடுகின்றனர்.