மக்கள் குறைதீர் கூட்டத்தில் நலத்திட்ட உதவிகள்

பெரம்பலூர் ஆட்சியரகத்தில் திங்கள்கிழமை நடைபெற்ற பொதுமக்கள் குறைதீர்க்கும் நாள் கூட்டத்தில் மாற்றுத்திறனாளிகளுக்கு ரூ. 2.12 லட்சம் மதிப்பிலான உதவி உபகரணங்கள் அளிக்கப்பட்டன.

- 

பெரம்பலூர் / அரியலூர், மார்ச் 17: பெரம்பலூர் ஆட்சியரகத்தில் திங்கள்கிழமை நடைபெற்ற பொதுமக்கள் குறைதீர்க்கும் நாள் கூட்டத்தில் மாற்றுத்திறனாளிகளுக்கு ரூ. 2.12 லட்சம் மதிப்பிலான உதவி உபகரணங்கள் அளிக்கப்பட்டன.

கூட்டத்துக்கு தலைமை வகித்த மாவட்ட ஆட்சியர் கிரேஸ் பச்சாவ், பொதுமக்களிடமிருந்து பெறப்பட்ட கோரிக்கை மனுக்கள், கடந்த வாரங்களில் நடைபெற்ற குறைதீர்க்கும் நாள் கூட்டம், மக்கள் தொடர்புத் திட்ட முகாம் உள்ளிட்ட நிகழ்ச்சிகளில் பெறப்பட்ட மனுக்களுக்கு, சம்பந்தப்பட்ட அலுவலர்களால் மேற்கொள்ளப்பட்ட நடவடிக்கைகள் குறித்து ஆய்வு மேற்கொண்டு, பெறப்பட்ட மனுக்கள் மீது உரிய நடவடிக்கை மேற்கொள்ள வேண்டுமென அரசு அலுவலர்களுக்கு அறிவுறுத்தினார்.