மூன்று நாடுகள் பயணம்: சைப்ரஸில் பிரதமர் மோடி

மூன்று நாடுகளுக்கான 5 நாள்கள் அரசுமுறைப் பயணத்தின் முதல் கட்டமாக, மத்தியதரைக் கடலில் அமைந்துள்ள தீவு நாடான சைப்ரஸுக்கு பிரதமர் நரேந்திர மோடி ஞாயிற்றுக்கிழமை வந்தார்.

- 

நிகோசியா, ஜூன் 15:

லார்னகா நகர விமான நிலையத்தில் வந்திறங்கிய அவரை சைப்ரஸ் அதிபர் நிகோஸ் கிறிஸ்டோடௌலிடிஸ் நேரில் வரவேற்றார். இந்தப் பயணத்தின் மூலம் கடந்த 20 ஆண்டுகளில் சைப்ரஸுக்கு வருகை தந்துள்ள முதல் இந்திய பிரதமர் என்ற பெருமை மோடிக்கு கிடைத்துள்ளது.

இருதரப்பு ஒத்துழைப்பை வலுப்படுத்துவது தொடர்பாக, தலைநகர் நிகோசியாவில் அதிபர்- பிரதமர் இடையே விரிவான பேச்சுவார்த்தை நடைபெறவுள்ளது. லிமாசோல் நகரில் தொழில் துறைத் தலைவர்களுடனும் பிரதமர் மோடி கலந்துரையாடவுள்ளார்.