காணவில்லை புகார்: புகைப்படங்களை வெளியிட்டார் அமைச்சர் சுரேஷ் கோபி

தனது தொகுதியில் இருந்து சிறிது காலமாக மத்திய அமைச்சர் சுரேஷ் கோபி காணாமல் போய்விட்டதாக கேரளத்தில் எதிர்க்கட்சிகள் புகார் தெரிவித்த நிலையில், தாம் பங்கேற்ற நிகழ்ச்சி தொடர்பான படங்களை அவர் சமூக ஊடகத்தில் வெளியிட்டார்.

- 

திருவனந்தபுரம், ஆக. 11:

கேரள பொது கல்வித் துறை அமைச்சர் வி.சிவன்குட்டி செய்தியாளர்களிடம் திங்கள்கிழமை கூறுகையில், 'திருச்சூர் எம்.பி.யும் மத்திய அமைச்சருமான சுரேஷ் கோபி சிறிது காலமாக தனது தொகுதியில் இருந்து காணாமல் போய்விட்டார். அவர் பாஜகவில் இருந்து விலகி விட்டாரா என்பதை அறிய விரும்புகிறேன். வாக்காளர் பட்டியல் குளறுபடி தொடர்பான குற்றச்சாட்டு களால் எழுந்துள்ள அச்சம் காரணமாக அவர் வெளியே வரமாட்டார்' என்று தெரிவித்தார்.