உலக டெஸ்ட் சாம்பியன்ஷிப்: ஆஸ்திரேலியா, தென்னாப்பிரிக்க அணிகள் அறிவிப்பு

ஐபிஎல் கிரிக்கெட் போட்டி வரும் 17-ஆம் தேதி மீண்டும் தொடங்கும் நிலையில், வெளிநாட்டு வீரர்களை மீண்டும் அதில் பங்கேற்கச் செய்யும் வகையில் அவர்கள் சார்ந்த கிரிக்கெட் வாரியங்களுக்கு பிசிசிஐ அழுத்தம் கொடுத்து வருகிறது.

- 

புது தில்லி, மே 13:

ஐபிஎல் போட்டியின் 18-ஆவது சீசன், கடந்த மார்ச் 22-ஆம் தேதி தொடங்கி நடைபெற்று வந்தது. இந்நிலையில் மே முதல் வாரத்தில் இந்தியா-பாகிஸ்தான் இடையே போர்ப் பதற்றம் அதிகரித்தது. இரு நாட்டு ராணுவங்களும் பரஸ்பர தாக்குதலில் ஈடுபட்டன. இதனால் பாதுகாப்பு காரணங்களுக்காக ஐபிஎல் போட்டியை ஒரு வாரத்துக்கு நிறுத்தி வைப்பதாக பிசிசிஐ கடந்த 9-ஆம் தேதி அறிவித்தது. இதையடுத்து ஐபிஎல் அணிகளில் விளையாடி வந்த அந்நிய வீரர்கள் பலர் தங்களின் சொந்த நாடுகளுக்குத் திரும்பினர்.