தெலங்கானா சுரங்க விபத்து மீட்புப் பணியில் 'எலிவளை சுரங்க' தொழிலாளர்கள்

தெலங்கானா சுரங்க விபத்தில் சிக்கிய 8 பேரை மீட்கும் பணியில் உத்தரகண்ட் சுரங்க விபத்தில் அனுபவமுள்ள 'எலிவளை சுரங்க' முறை தொழிலாளர்கள் ஈடுபட்டுள்ளனர்.

- 

ஹைதராபாத், பிப். 24: எனினும், சிக்கிய நபர்களை மீட்பதற்கு குறைந்தது 3 முதல் 4 நாள்கள் ஆகும் என்று மாநில அமைச்சர் கிருஷ்ண ராவ் திங்கள்கிழமை தெரிவித்தார்.

தெலங்கானாவில் உள்ள நாகர்கர்னூல் மாவட்டத்தில் ஸ்ரீசைலம் இடதுகரை கால்வாய்த் திட்டப் பணிகள் மேற்கொள்ளப்பட்டு வந்தன. இதற்காக பாறையை குடைந்து சுரங்கம் தோண்டும் பணிகள் சனிக்கிழமை நடைபெற்றது. அப்போது சுரங்கத்துக்குள் 14 கி.மீ. தொலைவில் மேற்பகுதி திடீரென இடிந்து விழுந்தது.