ராஜேந்திர பாலாஜிக்கு எதிரான வழக்கு ஆளுநரின் முதன்மைச் செயலர் பிரமாணப் பத்திரம் தாக்கல் செய்ய உத்தரவு

முன்னாள் அமைச்சர் கே.டி. ராஜேந்திர பாலாஜி தொடர்புடைய வழக்கில் தமிழக ஆளுநரிடம் ஒப்புதல் பெறுவது தொடர்பான விவகாரத்தில் எடுக்கப்பட்ட நடவடிக்கைகள் தொடர்பாக ஆளுநரின் முதன்மைச் செயலர் பிரமாணப் பத்திரம் தாக்கல் செய்ய உச்சநீதிமன்றம் வெள்ளிக்கிழமை உத்தரவிட்டது.

- 

புது தில்லி, மார்ச் 7:

வேலை வாங்கித் தருவதாகக் கூறி பணம் பெற்று முன்னாள் அமைச்சர் ராஜேந்திர பாலாஜி மோசடியில் ஈடுபட்டதாக குற்றஞ்சாட்டி தொடுக்கப்பட்ட வழக்கு விசாரணையை சிபிஐக்கு மாற்றி சென்னை உயர்நீதிமன்றம் உத்தரவு பிறப்பித்தது. இந்த உத்தரவுக்கு எதிராக ராஜேந்திர பாலாஜி தாக்கல் செய்த மேல்முறையீட்டு மனு மீதான விசாரணையின்போது உச்சநீதிமன்றம் இந்த உத்தரவைப் பிறப்பித்தது.

இதே விவகாரத்தில் தமிழக அரசின் தரப்பிலும் உயர்நீதிமன்ற உத்தரவுக்கு எதிராக மேல்முறையீடு செய்யப்பட்டுள்ளது.

இந்த மேல்முறையீடு மனு உச்சநீதிமன்ற நீதிபதிகள் பங்கஜ் மித்தல், எஸ்.வி.என்.பாட்ரீ ஆகியோர் அடங்கிய அமர்வு முன் வெள்ளிக்கிழமை விசாரணைக்கு வந்தது.