நாகை மாவட்டத்தில் நீரில் மூழ்கிய 50,000 ஏக்கர் நெற்பயிர்கள்

விவசாயிகள் கடும் பாதிப்பு

- 

நாகப்பட்டினம், நவ. 30: 'டித்வா' புயல் காரணமாக பெய்த பலத்த மழையால் நாகை மாவட்டத்தில் 50,000 ஏக்கர் பரப்பில் நெற்பயிர்கள் நீரில் மூழ்கின. பாதிக்கப்பட்ட விவசாயிகள், அரசு நிவாரணம் வழங்க வேண்டுமென்று வலியுறுத்தியுள்ளனர்.

டித்வா புயல் காரணமாக டெல்டா மாவட்டங்கள் உட்பட பல மாவட்டங்களில் பலத்த மழை பெய்து வருகிறது. இதில், நாகை மாவட்டத்துக்கு சிவப்பு எச்சரிக்கை விடுக்கப்பட்ட நிலையில், வெள்ளிக்கிழமை தொடங்கிய மழை பின்னர் பலத்த மழையாக மாறியது. வெள்ளிக்கிழமை இரவு முழுவதும் விடியவிடிய பெய்த மழை சனிக்கிழமை முழுவதும், ஞாயிற்றுக்கிழமை பகல் எனத் தொடர்ந்தது.