தாய்மொழியில் எழுதப்பட்ட படைப்புகள் உலக அங்கீகாரம் பெற்றுள்ளன

த.ஸ்டாலின் குணசேகரன்

- 

ஈரோடு, செப்.4: தாய்மொழியில் எழுதப்பட்ட படைப்புகள் உலக அங்கீகாரம் பெற்றுள்ளதாக மக்கள் சிந்தனைப் பேரவைத் தலைவர் த.ஸ்டாலின் குணசேகரன் தெரிவித்தார்.

ஈரோடு மாவட்டம், கோபி வட்டம், டி.என்.பாளையம் அருகே கள்ளிப்பட்டி அரசு மேல்நிலைப் பள்ளியில் வியாழக்கிழமை நடைபெற்ற தமிழ்க்கூடல் நிகழ்வில் சிறப்பு விருந்தினராக பங்கேற்ற அவர் மேலும் பேசியதாவது:

ஆங்கிலம் என்பது ஒரு மொழி, அறிவின் அடையாளம் அல்ல. மொழிப்புலமை வேறு, அறிவுத்திறன் வேறு. உலக அளவில் கவனம் பெற்ற எண்ணற்ற நூல்கள் அவரவர் தாய்மொழியில் எழுதப்பட்டவையே தவிர ஆங்கிலத்தில் எழுதப்பட்டவை அல்ல.