தமிழகத்தில் 35,000 விநாயகர் சிலைகள் அமைப்பு

பதற்றமான பகுதிகளில் துப்பாக்கி ஏந்திய போலீஸ் பாதுகாப்பு

- 

சென்னை, ஆக. 27: விநாயகர் சதுர்த்தியையொட்டி, தமிழகம் முழுவதும் ஹிந்து அமைப்புகள் சார்பில் பொது இடங்களில் 35,000 சிலைகள் புதன்கிழமை அமைக்கப்பட்டன.

இந்து முன்னணி, விசுவ ஹிந்து பரிஷத், சிவசேனை, இந்து மக்கள் கட்சி, பாஜக, ஆர்.எஸ்.எஸ். உள்ளிட்ட 65 ஹிந்து அமைப்புகள் சார்பில் விநாயகர் சிலைகள் புதன்கிழமை அதிகாலை முதல் அமைக்கப்பட்டு பூஜைகள் செய்யப்பட்டன.

சென்னை 2,802 சிலைகள்: சென்னை பெருநகர காவல் துறைக்கு உள்பட்ட பகுதிகளில் 1,519 சிலைகளும், தாம்பரம் மாநகர காவல் துறைக்கு உள்பட்ட பகுதிகளில் 600 சிலைகளும், ஆவடி மாநகர காவல் துறைக்கு உள்பட்ட பகுதிகளில் 686 சிலைகளும் அமைக்கப்பட்டுள்ளன.