சார் - பதிவாளர், துணை வட்டாட்சியர் உள்பட 10 பேர் மீது வழக்கு

சேலத்தில் போலி ஆவணம் மூலம் பத்திரப் பதிவு செய்த விவகாரத்தில் சார்-பதிவாளர், துணை வட்டாட்சியர், கிராம நிர்வாக அலுவலர் உள்பட 10 பேர் மீது மாவட்ட குற்றப்பிரிவு போலீஸார் அண்மையில் வழக்குப் பதிவு செய்து விசாரித்து வருகின்றனர்.

- 

சேலம், ஆக. 24:

சேலம் மாவட்டம், இடங்கணச்சாலை அருகே மெய்யனூரைச் சேர்ந்தவர் கோவிந்தன் (73). இவர் சேலம் மாவட்டக் காவல் கண்காணிப்பாளர் கௌதம் கோயலிடம் அண்மையில் அளித்த புகார் மனு விவரம்: இடங்கணச்சாலை கிராமத்தில் எனது தாய் கந்தாயி பெயரில் உள்ள 13.75 சென்ட் நிலத்தை போலி ஆவணங்கள் மூலம் மகுடஞ்சாவடி பத்திரப் பதிவு அலுவலகத்தில் சகோதரரான கந்தசாமி, அவரது மகன்கள் மாணிக்கம், அருணாச்சலம் ஆகியோர் தான செட்டில்மெண்ட் மூலம் கிரயம் செய்துள்ளனர்.