ஆக. 22-இல் பதிலளிக்கிறது இஸ்ரேல்

காஸாவில் போர் நிறுத்தம் மேற்கொள்ளவும், அங்கு இன்னும் பிணைக் கைதிகளாகப் பிடித்து வைக்கப்பட்டுள்ள அனைவரையும் விடுவிக்கவும் மத்தியஸ்தர்களால் புதிதாக முன்வைக்கப்பட்டு, ஹமாஸ் படையினரால் ஏற்றுக்கொள்ளப்பட்டுள்ள வரைவு திட்டம் குறித்து வெள்ளிக்கிழமை (ஆக.22) பதிலளிக்கப்போவதாக இஸ்ரேல் தெரிவித்துள்ளது.

- 

ஜெருசலேம், ஆக. 19:

இது குறித்து இஸ்ரேல் அரசு வெளியிட்டுள்ள அறிக்கையில், 'புதிய போர் நிறுத்தத்திட்டம் குறித்து ஆய்வு செய்து, சர்வதேச மத்தியஸ்தர்களுக்கு வெள்ளிக்கிழமைக்குள் பதிலளிப்போம்' என்று தெரிவிக்கப்பட்டுள்ளது.

கடந்த 2023 அக்டோபர் 7 முதல் நடைபெற்றுவரும் போரில் காஸா மீது இஸ்ரேல் நடத்திய தாக்குதலில் உயிரிழந்தவர்களின் எண்ணிக்கை 62 ஆயிரத்தைக் கடந்ததாக அந்தப் பகுதி சுகாதாரத் துறை அமைச்சகம் திங்கள்கிழமை அறிவித்தது. இந்தச் சூழலில், எகிப்து மற்றும் கத்தார் ஆகியவை புதிய போர் நிறுத்தம் மற்றும் பிணைக் கைதிகள் விடுவிப்பை உள்ளடக்கிய ஒப்பந்த திட்ட வரைவை ஹமாஸிடம் அளித்தன.