3 பெண் குழந்தைகளைக் கொன்று தந்தை தற்கொலை; மனைவி, மகன் தப்பினர்

கடன் பிரச்னை காரணமாக ராசிபுரம் அருகே 3 பெண் குழந்தைகளைக் கொன்று தந்தை தற்கொலை செய்துகொண்ட சம்பவம் குறித்து மங்களபுரம் போலீஸார் விசாரணை நடத்தி வருகின்றனர்.

- 

ராசிபுரம், ஆக. 5:

நாமக்கல் மாவட்டம், ராசிபுரத்தை அடுத்துள்ள மங்களபுரம் அருகே உள்ள வேப்பங்கவுண்டன்புதூர் பகுதியைச் சேர்ந்தவர் கோவிந்தராஜ் (35). இவரது மனைவி பாரதி (26), இந்த தம்பதிக்கு மூன்று பெண் குழந்தைகள், ஓர் ஆண் குழந்தை என 4 குழந்தைகள் உள்ளனர். கோவிந்தராஜ் விவசாயம் செய்து வந்ததுடன், ஆழ்துளையிடும் ரிக் வாகனத்தில் மேலாளராகவும் பணிபுரிந்து வந்தார். மேலும், பணி நாள்களில் வெளிமாநிலத்தில் தங்கி ரிக் வாகனப் பணியை மேற்பார்வை யிட்டு வருவதை வழக்கமாகக் கொண்டிருந்தாராம்.