தன்கரின் 74-ஆவது பிறந்த நாள்: குடியரசுத் தலைவர், பிரதமர் வாழ்த்து

குடியரசு துணைத் தலைவரும், மாநிலங்களவைத் தலைவருமான ஜகதீப் தன்கரின் 74-ஆவது பிறந்த தினத்தை யொட்டி, அவருக்கு குடியரசுத் தலைவர் திரௌபதி முர்மு, பிரதமர் நரேந்திர மோடி உள்ளிட்டோர் வாழ்த்து தெரிவித்தனர்.

- 

புது தில்லி, மே 18:

ராஜஸ்தானின் ஜுன்ஜுனு மாவட்டத்தின் கிதானா கிராமத்தில் கடந்த 1951, மே 18-ஆம் தேதி பிறந்தவரான தன்கர், நாட்டின் 14-ஆவது குடியரசு துணைத் தலைவராக கடந்த 2022, ஆகஸ்ட் 11-இல் பதவியேற்றார்.

தனது 74-ஆவது பிறந்த தினத்தை ஞாயிற்றுக்கிழமை கொண்டாடிய தன்கருக்கு குடியரசுத் தலைவர் திரௌபதி முர்மு வாழ்த்து தெரிவித்து எக்ஸ் வலைதளத்தில் பதிவிட்டார். அதில், 'குடியரசு துணைத் தலைவர் ஜகதீப் தன்கர், நல்ல ஆரோக்யத்துடன் பல்லாண்டுகளுக்கு தேசப் பணியாற்ற வாழ்த்துவதாக' குடியரசுத் தலைவர் குறிப்பிட்டுள்ளார்.