தாது மணல் முறைகேடு: 21 பேர் மீது 7 வழக்குகள் பதிவு

தாது மணல் முறைகேடு தொடர்பாக நீதிமன்ற உத்தரவின் பேரில் 21 பேர் மீது 7 வழக்குகள் பதிவு செய்யப்பட்டுள்ளன.

- 

சென்னை, ஏப். 6:

தாது மணல் முறைகேடு தொடர்பாக தமிழகம் முழுவதும் தனியார் கனிம நிறுவனங்களுக்குச் சொந்தமான ஆலைகள், அலுவலகங்கள், தொடர்புடையவர்களின் வீடுகள் என சுமார் 15 இடங்களில் சிபிஐ அதிகாரிகள் சனிக்கிழமை சோதனை நடத்தினர்.

திருநெல்வேலி, தூத்துக்குடி, கன்னியாகுமரி மாவட்டங்களில் கடற்கரையோரங்களில் மணலிலிருந்து இல்மனைட், ரூட்டைல், கோனோமோனோசைட் உள்ளிட்ட கனிம வளங்களை சட்டவிரோதமாக எடுப்பதாக 2013-இல் எழுந்த புகாரின்படி, தாது மணல் எடுக்க தமிழக அரசு தடை விதித்தது.

காரி ககன்தீப்சிங் பேடி தலைமையிலான ஒரு நபர் குழு, தாது மணல் எடுக்கப்பட்டதால், அரசுக்கு பல ஆயிரம் கோடி ரூபாய் இழப்பு ஏற்பட்டதாக அறிக்கை அளித்தது.

இதையடுத்து, மாநிலம் முழுவதும் கடற்கரை மணலை எடுக்க தமிழக அரசு தடை விதித்த நிலையில், தாது மணல் விவகாரத்தால் அரசுக்கு ரூ.1 லட்சம் கோடி இழப்பு ஏற்பட்டுள்ளதாக சென்னை உயர் நீதிமன்றத்தில் வழக்கு தொடுக்கப்பட்டது.