அமெரிக்காவுடன் பொருளாதார ஒப்பந்த வரைவு தயார்

தங்களின் கனிம வளங்களை தோண்டியெடுக்கும் உரிமையை அமெரிக்காவுக்கு அளிக்க வகை செய்யும் பொருளாதார ஒப்பந்த வரைவு தயார் நிலையில் இருப்பதாக உக்ரைன் அதிபர் வொலோதிமீர் ஸெலென்ஸ்கி புதன்கிழமை தெரிவித்தார்.

- 

கீவ், பிப். 26:

எனினும், தங்கள் நாட்டுக்கு பாதுகாப்பு உத்தரவாதம் அளிப்பதற்கான அம்சம் அந்த வரைவில் இடம் பெற்றால்தான் அந்த ஒப்பந்தம் முழுமையாக நிறைவேற்றப்படும் என்றும் அவர் கூறினார்.

இது குறித்து தலைநகர் கீவில் நடைபெற்ற செய்தியாளர்கள் சந்திப்பில் அவர் கூறியதாவது:

அமெரிக்காவுக்கும் உக்ரைனுக்கும் இடையே மேற்கொள்ளப்படவிருக்கம் பொருளாதார ஒப்பந்தத்துக்கான வரைவு தயார் நிலையில் உள்ளது.

இருந்தாலும், உக்ரைனுக்கு அமெரிக்கா அளிக்க வேண்டிய பாதுகாப்பு உத்தரவாதம் அந்த வரைவு ஒப்பந்தத்தில் இதுவரை உறுதி செய்யப்படவில்லை. அது உறுதி செய்யப்படுவதில் தான் இந்த ஒப்பந்தம் வெற்றிகரமாக நிறைவேற்றப்படுவது இருக்கிறது.