வடகிழக்கு பாரம்பரியத்தைப் பறைசாற்றும் குடியரசு தின தேநீர் விருந்து அழைப்பிதழ்!

இந்தியாவின் 77ஆவது குடியரசு தினத்தை முன்னிட்டு, ஜனவரி 26ஆம் தேதி குடியரசுத் தலைவர் திரௌபதி முர்மு தனது மாளிகையில் விருந்தினர்களுக்கு வழங்கும் 'தேநீர் விருந்து' நிகழ்வுக்கான அழைப்பிதழ் தொகுப்பு, வடகிழக்கு மாநிலங்களின் பாரம்பரிய கலை மற்றும் கைவினைத்திறனை பிரதிபலிக்கும் வகையில் வடிவமைக்கப்பட்டுள்ளது.

- நமது சிறப்பு நிருபர்

இந்தியாவின் வடகிழக்கு மாநிலங்களில் பாரம்பரிய கைவினைப் பொருட்களை பிரதிபலிக்கும் வகையில் கெமாண்டில் தயாரிக்கப்பட்ட கயானா தின கேக்ர் வினியோகிக்க அமைத்தது கொடிருக்கது.

குஜராத் மாநிலம் அகமதாபாதில் உள்ள தேசிய வடிவமைப்பு நிறுவனம் (என்ஐடி) இந்த அழைப்பிதழை வடிவமைத்துள்ளது. 'அஷ்டலட்சுமி மாநிலங்கள்' என்றறியப்படும் வடகிழக்கில் உள்ள எட்டு மாநிலங்களின் கைவினைப் பொருள்கள், கலாசாரம் மற்றும் அவற்றின் உயிர்ப்பு மிக்க மரபுகளை ஒன்றிணைத்து இந்த அழைப்பு தயாரிக்கப்பட்டுள்ளது.

இந்த அழைப்பிதழ் தயாரிப்புத் திட்டத்தின் முக்கியத்துவத்தை விளக்கிய அகமதாபாத் என்ஐடி இயக்குநர் அசோக் மொண்டல், 'தொடர்ந்து மூன்றாவது முறையாக இந்தத் பணியை குடியரசுத் தலைவர் மாளிகை தங்களிடம் ஒப்படைத்துள்ளதாகத் தெரிவித்தார்.

அவர் மேலும் கூறுகையில், 'அருணாசல பிரதேசம், அஸ்ஸாம், மணிப்பூர், மேகாலயம், மிசோரம், நாகாலாந்து, சிக்கிம், திரிபுரா ஆகிய எட்டு வடகிழக்கு மாநிலங்களின் பாரம்பரிய கைவினைப் பொருள்கள் மற்றும் கலாசார அடையாளங்களை ஒருங்கிணைக்கும் வகையில் இதில் உள்ள படைப்புகள் தயாரிக்கப்பட்டுள்ளன.