மகாராஷ்டிரம்: உத்தவ்-ராஜ் தாக்கரே கட்சியினர் தடையை மீறி பேரணி

மாநில அமைச்சரை வெளியேற்றிய போராட்டக்காரர்கள்

- 

தாணே, ஜூலை 8: மகாராஷ்டிரத்தில் மராத்தி மொழி பெருமையை காக்க வலியுறுத்தி, உத்தவ் தாக்கரே தலைமையிலான சிவசேனை (உத்தவ்), அவரது உறவினர் ராஜ் தாக்கரே தலைமையிலான மகாராஷ்டிர நவநிர்மாண் சேனை ஆகிய கட்சிகள் மற்றும் மராத்தி அமைப்புகள் செவ்வாய்க்கிழமை தடையை மீறி போராட்டப் பேரணி நடத்தின.

இந்தப் பேரணியில் இணையவதற்காக, துணை முதல்வர் ஏக்நாத் ஷிண்டே தலைமையிலான சிவசேனையைச் சேர்ந்த மாநில அமைச்சர் பிரதாப் சர்நாயக் வந்தார். அவருடன் கடும் வாக்குவாதத்தில் ஈடுபட்டு போராட்டக்காரர்கள், அவரை அங்கிருந்து வெளியேறச் செய்ததால் பரபரப்பு ஏற்பட்டது.