44-ஆவது முறையாக நிரம்பியது மேட்டூர் அணை!

மேட்டூர் அணை 44-ஆவது முறையாக ஞாயிற்றுக்கிழமை நிரம்பியது. இதையடுத்து உபரி நீர் திறக்கப்பட்டு, காவிரி கரையோர மக்களுக்கு வெள்ள அபாய எச்சரிக்கை விடுக்கப்பட்டுள்ளது.

- 

மேட்டூர், ஜூன் 29:

கர்நாடக மாநிலத்தில் காவிரியின் நீர்ப்பிடிப்புப் பகுதிகளில் பெய்துவரும் தென்மேற்குப் பருவமழை காரணமாக அங்குள்ள கபினி அணை, கிருஷ்ணராஜ சாகர் அணைகள் நிரம்பி உபரி நீர் காவிரியில் திறந்துவிடப்படுகிறது. இந்த உபரிநீர்வரத்து காரணமாக காவிரியில் வெள்ளப் பெருக்கு ஏற்பட்டு மேட்டூர் அணைக்கு நீர்வரத்து அதிகரித்தது. இதனால் அணையின் நீர்மட்டம் உயர்ந்து, அணை கட்டப்பட்டு 92 ஆண்டு கால வரலாற்றில் 44-ஆவது முறையாகவும், ஜூன் மாதத்தில் 2-ஆவது முறையாகவும் ஞாயிற்றுக்கிழமை மாலை நிரம்பியது.