அன்புள்ள ஆசிரியருக்கு...

வேதனைக்குரியது.போதைப்பொருள்கள் எங்கு நுழையக் கூடாதோ அங்கு நுழைவது தனிமனித பிரச்னையில்லை. ('உண்மை சுடத்தான் செய்யும்!'- ஆசிரியர் உரை, 26.09.25 ). ஒட்டுமொத்த சமுதாயத்தின் எதிர்காலத்துக்கே அச்சுறுத்தலாக அவை மாறும் என்பதால், அரசு-காவல் துறை- கல்வி நிறுவனங்கள், தனித்தும் இணைந்தும் இதில் கவனம் செலுத்தியாக வேண்டும். கல்லூரி மாணவர்கள், ஏன் பள்ளிமாணவர்கள் கூட போதைப் பொருள்களை விற்போரின் பார்வையில் இருக்கிறார்கள் என்பது வேதனைக்குரியது. வேலையின்மைக்கான காரணத்தை உணர்ந்து அதை தீர்க்க முயல வேண்டும். கல்வித் தரத்திலும் திறன் வளர்ப்பிலும் கவனம் செலுத்தாதவரை இப்பிரச்னைக்குத் தீர்வுகாண வாய்ப்பில்லை.த. முருகவேள், விழுப்புரம்.

- 

பிறமொழிக் கலைச்சொற்கள்...

தஞ்சை தமிழ்ப் பல்கலைக்கழகம் 1981, செப்டம்பர் 15-ஆம் தேதி தொடங்கப்பட்டது ('ஆராய்ச்சியும் சமூக முன்னேற்றமும்...'-துணைக் கட்டுரை-முனைவர் முஷிராபானு, 26.09.25). ஜப்பான், ஜெர்மனி, பிரான்ஸ் நாடுகளில் தாய்மொழி வழியில் கல்வி முன்னிறுத்தப்படுகிறது. ஆராய்ச்சி செய்து உரிய கலைச்சொற்களைத் தாய்மொழியில் பயன்படுத்த வேண்டும். தாய்மொழியில் மாணவர்கள் கல்வி பயிலும் விதமாக மருத்துவம், பொறியியல் துறைகளில் தாய்மொழி தமிழைக் கொண்டு வர வேண்டும். தமிழ் மொழியில் ஆராய்ச்சி செய்து வல்லரசு நாடுகளைப்போல் தமிழகம் எங்கும் அனைத்துத் துறைகளிலும் தமிழை முன்னெடுத்தால் தான் தமிழுக்குப் பெருமை. அது செயலுக்கு வரும்போது காலங்களில் தமிழில் பயிலும் மாணவர்களை உலக அளவில் வெற்றிபெறச் செய்யலாம்.

சீ. காந்திமதிநாதன், கோவில்பட்டி.

பாடத் திட்டத்தில்...