அனைத்து மாவட்டங்களிலும் காங்கிரஸ் போட்டியிட முயற்சி: கே.வி.தங்கபாலு

தமிழகத்தில் நடைபெறவுள்ள சட்டப் பேரவைத் தேர்தலில், மாவட்ட வாரியாக குறைந்தபட்சம் ஒரு தொகுதி என்ற வகையில், அனைத்து மாவட்டங்களிலும் காங்கிரஸ் போட்டியிட முயற்சி மேற்கொள்ளப்படும் என்றார் அக்கட்சியின் முன்னாள் மாநிலத் தலைவர் கே.வி.தங்கபாலு.

- 

தருமபுரி, செப். 3:

தருமபுரி மாவட்ட காங்கிரஸ் கட்சி நிர்வாகிகள் கூட்டம் புதன்கிழமை நடைபெற்றது. அதில் பங்கேற்ற அவர் பின்னர் செய்தியாளர்களிடம் கூறியதாவது:

தமிழ்நாடு காங்கிரஸ் கட்சி சார்பில், வாக்காளர் பட்டியலில் குளறுபடி (பெயர் நீக்கம், திருத்தம்) தொடர்பாக மத்திய அரசைக் கண்டித்து, செப். 7-ஆம் தேதி நெல்லையில் மாநாடு நடைபெற உள்ளது. இதில் காங்கிரஸ் கட்சி சார்பில், அகில இந்திய தலைவர்கள் பலர் கலந்துகொள்ள உள்ளனர். இதற்காக தமிழகம் முழுவதும் ஆயத்தக் கூட்டம் நடத்தி வருகிறோம்.