ஜெர்மனி நிறுவனங்கள் ரூ.3,201 கோடி முதலீடு

தமிழ்நாட்டில் ஜெர்மனி நிறுவனங்கள் ரூ.3,201 கோடியில் தொழில் திட்டங்களில் முதலீடு செய்வதற்கான புரிந்துணர்வு ஒப்பந்தங்கள் திங்கள்கிழமை மேற்கொள்ளப்பட்டன.

- 

சென்னை, செப். 1: முதல்வர் மு.க.ஸ்டாலின் முன்னிலையில் மேற்கொள்ளப்பட்ட இந்த ஒப்பந்தங்களால் 6,250 பேருக்கு வேலைவாய்ப்பு கிடைக்கும்.

இதுகுறித்து, தமிழ்நாடு அரசின் சார்பில் வெளியிடப்பட்ட செய்தி: ஜெர்மனி நாட்டின் டசெல்டோர்ஃப் நகரில் பல்வேறு தொழில் முதலீட்டாளர்களை முதல்வர் மு.க.ஸ்டாலின் திங்கள்கிழமை சந்தித்துப் பேசினார். அப்போது, மூன்று முக்கிய நிறுவனங்களுடன் ரூ.3,201 கோடி முதலீடுகளை ஈர்க்கும் வகையிலான புரிந்துணர்வு ஒப்பந்தங்கள் அவர் முன்னிலையில் செய்யப்பட்டன.