மாநில அரசுகள், தலைவர்களுக்கு முதல்வர் மு.க.ஸ்டாலின் வலியுறுத்தல்

மத்திய-மாநில அரசுகளின் அதிகாரங்களை மறுபரிசீலனை செய்து கூட்டாட்சியை வலுப்படுத்த அரசியல் வேறுபாடுகளைக் களைந்து அனைத்து தலைவர்களும் செயல்பட வேண்டும் என்று முதல்வர் மு.க.ஸ்டாலின் வலியுறுத்தியுள்ளார்.

- 

சென்னை, ஆக.29:

அனைத்து மாநில முதல்வர்கள் மற்றும் அரசியல் தலைவர்களுக்கு இதுதொடர்பாக கடிதம் ஒன்றை அவர் வெள்ளிக்கிழமை எழுதியுள்ளார்.

அதில் குறிப்பிட்டிருப்பதாவது:

கடந்த 1935-ஆம் ஆண்டு வடிவமைக்கப்பட்ட இந்திய அரசியலமைப்பானது மத்திய அரசுக்கும், மாநிலங்களுக்கும் இடையே சிறந்ததொரு அதிகார சமநிலையுடன் கூடிய கூட்டாட்சி கட்டமைப்பை உருவாக்கியது. இருப்பினும், பல ஆண்டுகளாக இந்தச் சமநிலை தொடர்ந்து மாற்றத்துக்குள்ளாகி வருகிறது. கடந்த 1967-ஆம் ஆண்டில் அப்போதைய தமிழக முதல்வர் சி.என்.அண்ணாதுரை, இந்தியாவின் இறையாண்மையையும், ஒருமைப்பாட்டையும் பாதுகாக்கும் அளவுக்கு மத்திய அரசு வலுவாக இருக்க வேண்டும் என்று விரும்புவதாக தெரிவித்தார். அதேபோன்று, முன்னாள் முதல்வர் கருணாநிதி மாநிலங்களுக்கு சுயாட்சி, மத்தியில் கூட்டாட்சி என்ற கொள்கையைத் தொடர்ந்து ஆதரித்தார்.

1969-ஆம் ஆண்டு அவர் முதல்வராக இருந்தபோது, மத்திய-மாநில உறவுகள் குறித்து ஆராய்ந்து அறிக்கை அளிக்க நீதிபதி பி.வி.ராஜமன்னார் தலைமையில் குழுவை அமைத்தார்.