மகாராஷ்டிரத்தில் அடுக்குமாடி குடியிருப்பு இடிந்து விபத்து: உயிரிழப்பு 17-ஆக உயர்வு

மகாராஷ்டிர மாநிலம், பால்கர் மாவட்டத்தில் உள்ள விரார் பகுதியில், அனுமதியின்றி கட்டப்பட்ட 4 மாடி குடியிருப்பு கட்டடம் இடிந்து விழுந்ததில் உயிரிழந்தோர் எண்ணிக்கை 17-ஆக உயர்ந்துள்ளது.

- 

பால்கர், ஆக. 28:

இந்த விபத்தில் உயிரிழந்தவர்களுக்கு குடியரசுத் தலைவர் திரௌபதி முர்மு, மகாராஷ்டிர மாநில முதல்வர் தேவேந்திர ஃபட்னவீஸ் உள்ளிட்டோர் இரங்கல் தெரிவித்தனர்.

மும்பைக்கு அடுத்த பால்கரில் உள்ள விஜய் நகர் பகுதியில், சுமார் 50 குடியிருப்புகளைக் கொண்ட 'ராமாபாய்' அடுக்குமாடி குடியிருப்பு கட்டடத்தின் ஒரு பகுதி செவ்வாய்க்கிழமை நள்ளிரவில் அருகிலுள்ள ஒரு காலியான கட்டடத்தின் மீது இடிந்து விழுந்தது.

விபத்து நடந்தபோது, கட்டடத்தின் நான்காவது தளத்தில் ஒரு வயது பெண் குழந்தையின் பிறந்தநாள் விழா நடைபெற்றுக் கொண்டிருந்ததாகவும், அதில் பங்கேற்றவர்கள் மற்றும் குடியிருப்பாளர்கள் இடிபாடுகளில் சிக்கிக் கொண்டதாகவும் சம்பவத்தை நேரில் பார்த்தவர்கள் தெரிவித்தனர்.