புரோ கபடி லீக் சீசன் 12-இல் மாற்றங்கள் அறிவிப்பு

புரோ கபடி லீக் 12-ஆவது சீசன் தொடரில் புதிய மாற்றங்கள் அறிமுகம் செய்யப்பட்டுள்ளன.

- 

மும்பை, ஆக. 22:

புரோ கபடி லீக் தொடர் வரும் 29-ஆம் தேதி தொடங்குகிறது. விசாகப்பட்டினம், ஜெய்ப்பூர், சென்னை மற்றும் தில்லியில் ஆட்டங்கள் நடைபெறவுள்ளன. இந்நிலையில் லீக் வடிவத்தில், புதிய மாற்றங்கள் கொண்டு வரப்பட்டுள்ளன.

பரபரப்பான கபடி ஆட்டத்தை வழங்கும் வகையில், லீக் சுற்று ஆட்டங்கள் மேம்படுத்தப்பட உள்ளது மற்றும் பிளே ஆஃப் சுற்று புதிதாக கட்டமைக்கப்பட்டுள்ளது.

மேம்படுத்தப்பட்ட லீக் சுற்று: நிகழ் சீசன் 108 ஆட்டங்களைக் கொண்டதாக அமையும். ஒவ்வொரு அணியும் 18 ஆட்டங்களில் விளையாடும். புதிய முறையில் அணிகள் கடுமையான சவால்களை சந்திக்க ஏதுவாகும்.