தொல்.திருமாவளவனின் சின்னம்மா காலமானார்

விடுதலைச் சிறுத்தைகள் கட்சித் தலைவரும், சிதம்பரம் மக்களவைத் தொகுதி உறுப்பினருமான தொல்.திருமாவளவனின் சின்னம்மா உடல் நலக்குறைவால் மருத்துவமனையில் ஞாயிற்றுக்கிழமை காலமானார்.

- 

அரியலூர், ஆக.17:

அரியலூர் மாவட்டம், செந்துறையை அடுத்த அங்கனூர் கிராமத்தைச் சேர்ந்தவரும், விசிக தலைவர் தொல்.திருமாவளவனின் தாய் பெரியம்மாவின் தங்கையுமான செல்லம்மா (78) உடல் நலக்குறைவால் கடந்த சில நாள்களுக்கு முன் பெரம்பலூர் தனியார் மருத்துவமனையில் சேர்க்கப்பட்டு, சிகிச்சைப் பலனின்றி உயிரிழந்தார். திருமாவளவனின் தந்தை தொல்காப்பியனின் இரண்டாவது மனைவியான அவருக்கு இரு மகன்கள் உள்ளனர்.