செவிலியர்களுக்கு தமிழக அரசு பக்கபலமாக இருக்கும்

துணை முதல்வர் உதயநிதி ஸ்டாலின்

- 

சென்னை, ஜூலை 28: செவிலியர்களுக்கு தமிழக அரசு எப்போதும் பக்கபலமாக இருக்கும் என்று துணை முதல்வர் உதயநிதி ஸ்டாலின் கூறினார்.

தமிழ்நாடு செவிலியர், மகப்பேறு செவிலியர் அவையத்தின் (Tamil Nadu Nursing and Midwives Council) நூற்றாண்டு தொடக்க விழா சென்னை நுங்கம்பாக்கத்தில் உள்ள வள்ளுவர் கோட்டத்தில் திங்கள்கிழமை நடைபெற்றது.

இந்த விழாவில் பங்கேற்ற துணை முதல்வர் உதயநிதி ஸ்டாலின், 22 செவிலியர்களுக்கு 2025-ஆம் ஆண்டுக்கான சிறந்த செவிலியர், வாழ்நாள் சாதனையாளர் விருதுகளை வழங்கினார்.

மேலும், நூற்றாண்டு தொடக்க விழா இலச்சினை மற்றும் நூற்றாண்டு விழா நிகழ்வுகளின் தொகுப்பை வெளியிட்டார்.