புலிகள் மர்ம இறப்பு விவகாரம்: 3 பேர் கைது

சாமராஜ்நகர் மாவட்டத்தின் மலை மாதேஸ்வரா காட்டுப் பகுதியில் புலி மற்றும் அதன் 4 குட்டிகள் மர்மமான முறையில் உயிரிழந்தது தொடர்பாக 3 பேரை போலீஸார் கைதுசெய்துள்ளனர்.

- 

சாமராஜ்நகர், ஜூன் 28: இந்நிலையில் மற்றொரு புலி வியாழக்கிழமை உயிரிழந்து தெரியவந்துள்ளது.

சாமராஜ்நகர் மாவட்டத்தின் மலைமாதேஸ்வரா மலையின் ஹக்யம் காட்டுப் பகுதியில் ஜூன் 26-ஆம் தேதி தாய்ப்புலி மற்றும் அதன் 4 குட்டிகள் மர்மமான முறையில் இறந்து கிடந்ததை ரோந்துப் பணியின் போது வனத் துறையினர் கண்டுபிடித்தனர். இந்த விவகாரம் தொடர்பாக உயர்நிலை விசாரணைக்கு கர்நாடக அரசு உத்தரவிட்டது.

இது தொடர்பாக வழக்குப் பதிந்து விசாரித்துவரும் போலீஸார், மலைமாதேஸ்வரா மலைப் பகுதியைச் சேர்ந்த மாதா (எ) மாதுராஜு, அவரது கூட்டாளிகள் கோனப்பா, நாகராஜு ஆகிய 3 பேரை சனிக்கிழமை கைது செய்தனர்.