இடைத்தேர்தல்: கேரளத்தில் காங்கிரஸ் வெற்றி

கேரளத்தில் ஆளும் இடதுசாரி கூட்டணியிடமிருந்து நிலம்பூர் பேரவைத் தொகுதியை காங்கிரஸ் தலைமையிலான ஐக்கிய ஜனநாயக முன்னணி கைப்பற்றியது.

- 

புது தில்லி, ஜூன் 23:

குஜராத்தின் விசாவதர், பஞ்சாபின் லூதியானா மேற்கு ஆகிய இரு தொகுதிகளை ஆம் ஆத்மி கட்சியும், குஜராத்தின் காடி தொகுதியை பாஜகவும், மேற்கு வங்கத்தின் காளிகஞ்ச் தொகுதியை திரிணமூல் காங்கிரஸும் தக்கவைத்துக் கொண்டன.

கேரளம், குஜராத், பஞ்சாப், மேற்கு வங்கம் ஆகிய 4 மாநிலங்களில் 5 பேரவைத் தொகுதிகளுக்கு கடந்த ஜூன் 19-ஆம் தேதி நடைபெற்ற தேர்தலில் பதிவான வாக்குகள் திங்கள்கிழமை எண்ணப்பட்டு முடிவுகள் அறிவிக்கப்பட்டன.