டிராவை நோக்கி நகர்கிறது காலே டெஸ்ட்

இலங்கை - வங்கதேசம் விளையாடிவரும் முதல் டெஸ்ட், டிராவை நோக்கி நகர்கிறது. 2-ஆவது இன்னிங்ஸில் பேட் செய்துவரும் வங்கதேசம் 187 ரன்கள் முன்னிலையுடன் இருக்க, ஆட்டம் சனிக்கிழமையுடன் (ஜூன் 21) நிறைவடைகிறது.

- 

காலே, ஜூன் 20:

முன்னதாக, கடந்த 17-ஆம் தேதி தொடங்கிய இந்த ஆட்டத்தில் டாஸ் வென்ற வங்கதேசம், முதலில் பேட் செய்து 153.4 ஓவர்களில் 495 ரன்கள் குவித்து ஆட்டமிழந்தது. முஷ்ஃபிகர் ரஹிம் 163, கேப்டன் நஜ்முல் ஹுசைன் ஷான்டோ 148, லிட்டன் தாஸ் 90 ரன்கள் அடித்தனர். இலங்கை பௌலர்களில் ஆசிதா பெர்னாண்டோ 4, மிலன் ரத்னாயகே, தரிந்து ரத்னாயகே ஆகியோர் தலா 3 விக்கெட் கைப்பற்றினர்.