சஜ்ஜன் குமாருக்கு மரண தண்டனை விதிக்க அரசுத் தரப்பு கோரிக்கை

கடந்த 1984-இல் நடந்த சீக்கியர்களுக்கு எதிரான கலவரம் தொடர்பான வழக்கில் காங்கிரஸ் முன்னாள் எம்.பி. சஜ்ஜன் குமாருக்கு மரண தண்டனை விதிக்க வேண்டும் என்று தில்லி சிறப்பு நீதிமன்றத்தில் அரசுத் தரப்பில் கோரப்பட்டுள்ளது.

- 

புது தில்லி, பிப். 18:

இந்த வழக்கில் கடந்த 12-ஆம் தேதி சஜ்ஜன் குமார் குற்றவாளியாக அறிவிக்கப்பட்ட நிலையில், இக்கோரிக்கை விடுக்கப்பட்டுள்ளது.

கடந்த 1984, அக்டோபர் 31-ஆம் தேதி அப்போதைய பிரதமர் இந்திரா காந்தி, தனது சீக்கிய மெய்க் காவலர்கள் இருவரால் சுட்டுக் கொல்லப்பட்டார். இச்சம்பவத்தைத் தொடர்ந்து, தில்லி உள்ளிட்ட பல்வேறு இடங்களில் சீக்கியர்களுக்கு எதிராக கலவரம் கட்ட விழ்த்துவிடப்பட்டது. இதில் ஏராளமானோர் கொல்லப்பட்டனர்.