நீண்ட கால பிரதமர்: சாதனை படைத்தார் மோடி

பிரதமர் பதவியில் 4,399 நாள்களை புதன்கிழமையுடன் (ஜூன் 10) நிறைவு செய்தார் நரேந்திர மோடி. இதன் மூலம் மக்களால் தேர்ந்தெடுக்கப்பட்டு, தொடர்ந்து நீண்ட காலம் பதவி வகித்த பிரதமர் என்ற ஜவாஹர்லால் நேருவின் சாதனையை பிரதமர் மோடி விஞ்சியுள்ளார்.

- 

இந்தச் சாதனைக்காக, அவருக்கு மத்திய அமைச்சர்கள், பாஜக ஆளும் மாநில முதல்வர்கள், கூட்டணிக் கட்சிகளின் தலைவர்கள், பிற அரசியல் தலைவர்கள் மட்டுமன்றி உலகத் தலைவர்கள் பலரும் வாழ்த்துத் தெரிவித்தனர்.

நேருவை விஞ்சிய மோடி: சுதந்திர இந்தியாவின் முதல் பிரதமரான ஜவாஹர்லால் நேரு கடந்த 1947, ஆகஸ்ட் 15 முதல் 1964, மே 27-இல் காலமாகும் வரை அந்தப் பதவியை வகித்தார். 16 ஆண்டுகளுக்கு மேல் தொடர்ந்து பிரதமராக இருந்த அவர், நாட்டின் நீண்ட கால பிரதமர் என்ற பெருமைக்குரியவர்.

1947 முதல் 1952 வரை இடைக்கால அரசுக்கு நேரு தலைமை தாங்கினார். கடந்த 1952-இல் முதலாவது மக்களவைத் தேர்தலுக்குப் பிறகு அவர் தொடர்ந்து பிரதமராகப் பதவி வகித்த காலம் 4,398 நாள்களாகும்.