வரலாற்று வெற்றியுடன் ஸ்வியாடெக் சாம்பியன்

டென்னிஸ் காலண்டரின் 3-ஆவது கிராண்ட்ஸ்லாம் போட்டியான விம்பிள்டனில், மகளிர் ஒற்றையர் பிரிவில் போலந்தின் இகா ஸ்வியாடெக், 114 ஆண்டுகளில் இல்லாத அரிதான வெற்றியுடன் சாம்பியன் கோப்பை வென்றார்.

- 

லண்டன், ஜூலை 13: டென்னிஸ் காலண்டரின் 3-ஆவது கிராண்ட்ஸ்லாம் போட்டியான விம்பிள்டனில், மகளிர் ஒற்றையர் பிரிவில் போலந்தின் இகா ஸ்வியாடெக், 114 ஆண்டுகளில் இல்லாத அரிதான வெற்றியுடன் சாம்பியன் கோப்பை வென்றார்.

போட்டித்தரவரிசையில் 8-ஆம் இடத்திலிருந்த அவர், இறுதிச்சுற்றில் 6-0, 6-0 என்ற நேர்செட்களில், 13-ஆம் இடத்திலிருந்த அமெரிக்காவின் அமாண்டா அனிசிமோவாவை வீழ்த்தி வாகை சூடினார். இந்த ஆட்டத்தை 57 நிமிடங்களிலேயே அவர் முடிவுக்குக் கொண்டு வந்தார்.