வங்கிப் பங்குகளுக்கு வரவேற்பு; லாபத்தில் முடிந்தது சென்செக்ஸ்

இந்த வாரத்தின் இரண்டாவது வர்த்தக தினமான செவ்வாய்க்கிழமையும் பங்குச்சந்தை நேர்மறையாக முடிந்தது.

- நமது நிருபர்

மும்பை/புதுதில்லி, ஜூலை 8: இதைத் தொடர்ந்து, மும்பை பங்குச்சந்தைக் குறியீட்டு எண்ணான சென்செக்ஸ் மற்றும் தேசிய பங்குச் சந்தைக் குறியீட்டு எண்ணான நிஃப்டி ஆகிய இரண்டும் லாபத்தில் முடிவடைந்தன.

உலகளாவிய சந்தைக் குறிப்புகள் கலவையாக இருந்தன. இதன் தாக்கம் ஆரம்பத்தில் உள்நாட்டுச் சந்தையில் எதிரொலித்தது. மேலும், இந்தியாவின் அமெரிக்க வர்த்தக ஒப்பந்தத்தில் உறுதியான முன்னேற்றத்திற்காக முதலீட்டாளர்கள் காத்திருந்ததால் இந்திய பங்குச் சந்தை பெரும்பாலும் வரம்பிற்குட்பட்டதாகவே இருந்தது. இதற்கிடையே, முக்கிய வர்த்தக கூட்டாளிகள் மீது 25 சதவீத வரிகளை அமல்படுத்துவதற்கான காலக்கெடுவை நீட்டிக்கும் அமெரிக்காவின் முடிவு முதலீட்டாளர்களை மிகவும் தற்காப்பு அணுகுமுறையை எடுக்க வழிவகுத்தது.