பிகார் தேர்தல்: 2003-க்குப் பிறகு புதிய வாக்காளர் பட்டியல் தயாரிப்பு

குடியுரிமையை நிரூபிக்க கூடுதல் ஆவணம் தேவை

- 

புது தில்லி, ஜூன் 28: பிகார் சட்டப்பேரவைத் தேர்தலையொட்டி, அந்த மாநிலத்தில் 2003-ஆம் ஆண்டுக்குப் பிறகு தற்போது வாக்காளர் பட்டியல் சிறப்பு தீவிர திருத்தப் பணிகளை தேர்தல் ஆணையம் தொடங்கியுள்ளது.

வாக்காளர் பட்டியல் சிறப்பு சுருக்கமுறைத் திருத்தப் பணிகளையே தேர்தல் ஆணையம் மேற்கொள்வது வழக்கம். இந்த நடைமுறையின் கீழ், வாக்காளர் பட்டியலில் திருத்தங்கள் மேற்கொள்ளப்படும். அதே வேளையில், வாக்காளர் பட்டியல் சிறப்பு தீவிர திருத்தப் பணிகளின் கீழ், அந்தப் பட்டியல் புதிதாக தயாரிக்கப்படும்.