வக்ஃப் சொத்துகளால் சாதாரண முஸ்லிம்களுக்கு எந்தப் பலனும் கிடைக்கவில்லை

மத்திய அமைச்சர் கிரண் ரிஜிஜு

- 

புது தில்லி, ஏப். 2: வக்ஃப் சொத்துகளால் சாதாரண முஸ்லிம்களுக்கு எந்தப் பலனும் கிடைக்கவில்லை என மத்திய அமைச்சர் கிரண் ரிஜிஜு கூறினார்.

மக்களவையில் வக்ஃப் சட்டத் திருத்த மசோதாவை புதன்கிழமை தாக்கல் செய்து அவர் பேசியதாவது: வக்ஃப் சட்டத் திருத்த மசோதாவானது ஒருங்கிணைந்த வக்ஃப் மேலாண்மை அதிகாரமளித்தல், செயல்திறன் மற்றும் மேம்பாட்டு மசோதா எனப் பெயர் மாற்றப்பட்டுள்ளது. நாடாளுமன்ற கூட்டுக் குழுவால் விரிவான ஆய்வுக்கு உள்படுத்தப்பட்டு, மறுவரைவு செய்யப்பட்டுள்ள இந்த மசோதா முழுமையாக வக்ஃப் சொத்துகள் தொடர்பானதே அன்றி மதம் சம்பந்தப்பட்டது அல்ல.