பெரம்பூரில் விஜய் சாதனை வெற்றி!

பெரம்பூர் தொகுதியில் போட்டியிட்ட தவெக தலைவர் விஜய் 53,715 வாக்குகள் வித்தியாசத்தில் வெற்றி பெற்று புதிய சாதனையைப் படைத்துள்ளார்.

- 

கடந்த தேர்தலில் 50,000-க்கும் மேற்பட்ட வாக்குகள் வித்தியாசத்தில் வெற்றி பெற்ற திமுக எம்எல்ஏ ஆர்.டி. சேகரை, அதே 50,000-க்கும் மேற்பட்ட வாக்கு வித்தியாசத்தில் இம்முறை வீழ்த்தியுள்ளார் விஜய்.

பெரம்பூர் தொகுதியானது கடந்த 1952-ஆம் ஆண்டுமுதல் தற்போது வரை 18 பேரவைத் தேர்தல்களை எதிர்கொண்டுள்ளது. அதில் 8 முறை திமுகவே வென்றுள்ளது.

திமுக முன்னோடிகளில் ஒருவரான சத்தியவாணி முத்து இரு முறை போட்டியிட்டு வென்ற தொகுதி இது.

இந்தத் தேர்தலில் தவெக தலைவர் விஜய் அங்கு போட்டியிடுகிறார் என்றவுடன் தமிழகத்தின் மொத்த கவனமும் அந்தத் தொகுதி மீது குவிந்தது.