புத்த, சமண மற்றும் சீக்கியர்கள் புனிதப் பயணத்துக்கு நிதியுதவி பெற விண்ணப்பிக்கலாம்

புத்த, சமண மற்றும் சீக்கிய மதத்தைச் சேர்ந்த மக்கள், புனிதப் பயணம் மேற்கொள்ள நிதியுதவி பெற விண்ணப்பிக்கலாம் என மாவட்ட நிர்வாகம் சார்பில் தெரிவிக்கப்பட்டுள்ளது.

- 

கோவை, ஜூலை 16:

இதுதொடர்பாக, மாவட்ட ஆட்சியர் பவன்குமார் க.கிரியப்பனவர் வெளியிட்டுள்ள செய்திக் குறிப்பு:

தமிழ்நாட்டைச் சேர்ந்த 50 புத்த மதத்தினர், 50 சமண மதத்தினர், 20 சீக்கிய மதத்தினர் இந்தியாவில் உள்ள அவரவர் மதங்களுக்கான புனித தலங்களுக்கு புனிதப் பயணம் மேற்கொள்வதற்காக தமிழ்நாடு அரசால் ஆண்டுதோறும் நபர் ஒருவருக்கு ரூ.10 ஆயிரம் வீதம் 120 பேருக்கு ரூ.12 லட்சம் நிதியுதவி வழங்கப்பட்டு வருகிறது. அந்த வகையில் பயன்பெற விரும்பும் புத்த, சமண மற்றும் சீக்கியர்களிடமிருந்து விண்ணப்பங்கள் வரவேற்கப்படுகின்றன.