நீதிபதிகள் நியமன அதிகாரத்தை தன்வசப்படுத்த மத்திய அரசு விரும்புகிறது

நீதிபதி யஷ்வந்த் வர்மாவுக்கு எதிராக நாடாளுமன்ற பதவி நீக்க தீர்மானம் கொண்டுவர இருப்பதின் உண்மையான நோக்கம், நீதிபதிகள் நியமன அதிகாரத்தை மத்திய அரசு தன்வசம் எடுக்க விரும்புவதே என்று மூத்த வழக்குரைஞர் கபில் சிபல் குற்றம் சாட்டினார்.

- 

புது தில்லி, ஜூன் 17:

நீதிபதி யஷ்வந்த் வர்மா சிறந்த நீதிபதிகளில் ஒருவர் என்றும் அவர் குறிப்பிட்டார்.

தில்லி உயர்நீதிமன்ற நீதிபதியாக யஷ்வந்த் வர்மா பதவி வகித்த போது, தில்லியில் உள்ள அவரது இல்லத்தில் கடந்த மார்ச் 14-ஆம் தேதி தீ விபத்து ஏற்பட்டது. அப்போது, அங்குள்ள அறையில் பாதி எரிந்த மூட்டைகளில், கட்டுக்கட்டாக பணம் இருந்தது கண்டறியப்பட்டது. அந்த பணம் பின்னர் மாயமானது.