அஸ்ஸாமில் நீடிக்கும் வெள்ளம்: 6.33 லட்சம் பேர் பாதிப்பு

வடகிழக்கு மாநிலமான அஸ்ஸாமில் மழை-வெள்ளம் நீடித்துவரும் நிலையில், 22 மாவட்டங்களில் 6.33 லட்சத்துக்கும் மேற்பட்டோர் பாதிக்கப்பட்டுள்ளனர்.

- 

குவாஹாட்டி, ஜூன் 3:

நாட்டில் தென்மேற்குப் பருவமழை வழக்கத்தைவிட முன்கூட்டியே கடந்த மே 24-ஆம் தேதி தொடங்கியது. இதன் தாக்கத்தால், வடகிழக்கு மாநிலங்களில் பரவலாக கனமழை நீடித்து வருகிறது.

அஸ்ஸாமில் பிரம்மபுத்திரா, பராக், கோபிலி உள்ளிட்ட முக்கிய ஆறுகளில் வெள்ளப்பெருக்கு ஏற்பட்டுள்ளது. தாழ்வான பகுதிகளில் வெள்ளம் சூழ்ந்துள்ளது. சாலைகள், பாலங்கள், வீடுகள், மின்கம்பங்கள் உள்ளிட்ட உள்கட்டமைப்புகள் பெருமளவில் சேதமடைந்துள்ளன.

ரயில் மற்றும் படகுப் போக்குவரத்து தடைபட்டுள்ளதால், மக்களின் இயல்பு வாழ்க்கை முடங்கியுள்ளது.