ஆலமரத்தை வெட்ட நினைக்கிறாய்... அது முடியாது எங்ககிட்ட பம்மாத்து வேலை வேண்டாம் தம்பி... இதோட நிறுத்திக்கோங்க...

'எங்ககிட்ட இந்த பம்மாத்து வேலைகள் எல்லாம் வேண்டாம் தம்பி, இதோடு நிறுத்திக் கொள்ளுங்கள்' என உட்கட்சி விவகாரத்தால் மகன் அன்புமணியை, ராமதாஸ் கடுமையாக எச்சரித்துள்ளார்.

- 

விழுப்புரம் மாவட்டம் திண்டிவனம் அடுத்த தைலாபுரம் தோட்டத்தில் பாமக மாநில நிர்வாகக்குழு கூட்டம் நேற்று நடைபெற்றது. கூட்டத்திற்குபின் பாமக நிறுவனர் ராமதாஸ் கூறியதாவது:

பாமகவில் விருப்ப மனு வாங்குவது, ஊர்வலம் போவது, கூட்டம் நடத்துவது, இப்படி இந்த மாதிரியான வேலைகளை எல்லாம் செய்து வருவது தமிழக அரசியல் வரலாற்றில் நடைபெறாத ஒரு புதுமை. இதற்கு முன்னாடி இப்படியெல்லாம் நடந்தது இல்லை. ஆனால் அன்புமணி என் பெயரை சொல்லி, என் படத்தை போட்டு, பாமக கொடியை உபயோகிப்பது வேதனை அளிக்கிறது. இதை அன்புமணி நிறுத்திக் கொள்ள வேண்டும் என்று இந்த நிர்வாகக் குழுவில் பேசியவர்கள் சொன்னார்கள், வன்மையாக கண்டித்தார்கள்.