செம்பரம்பாக்கம் ஏரியில் இருந்து தினமும் 265 மில்லியன் லிட்டர் வீதம் ரூ.66.78 கோடியில் சென்னை, புறநகருக்கு குடிநீர் திட்டம்

செம்பரம்பாக்கம் ஏரியில் இருந்து ரூ.66.78 கோடி மதிப்பீட்டில் சென்னை மற்றும் புறநகர் பகுதிகளுக்கு கூடுதலாக 265 மில்லியன் லிட்டர் குடிநீர் வழங்கும் திட்டத்தை முதல்வர் மு.க.ஸ்டாலின் நேற்று தொடங்கி வைத்தார்.

- 

கிருஷ்ணா குடிநீர் வழங்கல் திட்டத்தின் கீழ், பெறப்பட்ட தண்ணீரை சுத்திகரிப்பதற்காக நகராட்சி நிர்வாகம் மற்றும் குடிநீர் வழங்கல் துறை சார்பில் திருவள்ளூர் மாவட்டம், செம்பரம்பாக்கத்தில் ரூ. 296 கோடி மதிப்பீட்டில், நாளொன்றுக்கு 530 மில்லியன் லிட்டர் நீர் சுத்திகரிக்கும் நிலையம் மற்றும் சுத்திகரிக்கப்பட்ட குடிநீரை கொண்டு செல்லும் குழாய்கள் அமைக்கும் பணிகள் நிறைவேற்றப்பட்டு 19.7.2007ல் கலைஞர் திறந்து வைத்தார். இந்நிலையத்தின் முதல் வரிசை குழாய் மூலம் நாளொன்றுக்கு 265 மில்லியன் லிட்டர் குடிநீர் சென்னை மாநகர பகுதிகள் மற்றும் தாம்பரம் மாநகர பகுதிகளுக்கு வழங்கப்பட்டு வருகிறது.