ரூ.4,500 செலவில் ஸ்மார்ட் ஹெல்மெட்

பைக்கை மாற்றுநபர் ஓட்ட முடியாது குடிபோதையில் இருந்தாலும் இயங்காது

- 

தமிழகத்தில் நாளுக்குநாள் வாகனங்கள் எண்ணிக்கை அதிகரித்து வருகிறது. அதற்கேற்ப விபத்துக்கள் எண்ணிக்கையும், உயிரிழப்புகளும் அதிகரித்துதான் வருகின்றன. சென்னை, கோவை, மதுரை போன்ற முக்கிய நகரங்கள் மட்டுமின்றி பிற மாவட்டங்களிலும் இந்த போக்குவரத்து நெரிசலும், விபத்துக்களும் தொடர்ந்த வண்ணம் உள்ளன. குறிப்பாக விபத்துக்களில் ஏற்படும் உயிரிழப்புக்கு ஹெல்மெட் அணியாதது, சீட்பெல்ட் அணியாததே காரணம் என்கின்றனர் காவல்துறையினர். தமிழகத்தில் விபத்துக்களை தடுக்க காவல்துறை வழக்குப்பதிவு செய்வது, அபராதம் விதிப்பது, ஓட்டுநர் உரிமத்தை ரத்து செய்வது போன்ற பல்வேறு நடவடிக்கை எடுத்தாலும் விபத்துக்கள் எண்ணிக்கையும், உயிரிழப்புகளும் குறைந்தபாடில்லை.

குறிப்பாக பைக்கில் செல்பவர்கள் ஹெல்மெட் அணியாமல் பயணிப்பதால் விபத்தின்போது உயிரிழப்புக்கு ஆளாகின்றனர். அதேபோல் குடிபோதையில் பைக்கை அதிவேகமாக ஓட்டிச்செல்லும் போதும் விபத்துக்களும், உயிரிழப்புகளும் ஏற்பட்டு வருகின்றன.