சென்னை விஐடி பல்கலைக்கழகத்தில் ‘டெக்னோ விஐடி 2025’ தொழில்நுட்ப விழா தொடக்கம்

விஐடி சென்னையில் 'டெக்னோ விஐடி 2025' என்ற சர்வதேச தொழில்நுட்ப விழாவின் தொடக்க நிகழ்ச்சி நேற்று நடந்தது. விழாவுக்கு விஐடி துணை தலைவர் ஜி.வி.செல்வம் தலைமை தாங்கினார்.

- 

சிறப்பு விருந்தினராக பங்கேற்ற சென்னையில் உள்ள தாய்லாந்து துணை தூதரகத்தின் துணை தூதர் ரச்சா அரிபர்க் பேசியதாவது: உலகம் முழுவதும், டிஜிட்டல் தொழில்நுட்பங்கள் மூலம் ஒரு பிளவு உள்ளது. இதனால் இளைஞர்களுக்கும், முதியவர்களுக்கும் இடையிலான அறிவு சார்ந்த இடைவெளி இருக்கிறது. முதியவர்களுடன் இளைஞர்கள் சிறிது நேரம் செலவிடுங்கள், இல்லையெனில் அவர்கள் தங்கள் அன்றாட வாழ்க்கையில் தொழில்நுட்பத்தை பயன்படுத்த முடியாமல் பின்தங்கிவிடுவார்கள் என்றார்.