அமித்ஷாவுடன் சந்திப்புக்கு பின் அதிமுக நிர்வாகிகளுடன் ஆலோசனை 15ம் தேதிக்கு பிறகு நினைப்பது நடக்கும்... நல்லது நடக்கும்...

வரும் 15ம் தேதிக்கு பிறகு நீங்கள் நினைப்பது நடக்கும் என்றும், நல்லதே நடக்கும் என்று செங்கோட்டையன் உறுதியளித்து உள்ளார்.

- 

அதிமுகவில் இருந்து பிரிந்து சென்றவர்களை சேர்க்க வலியுறுத்தி கடந்த 5ம் தேதி செங்கோட்டையன், பொதுச்செயலாளர் எடப்பாடி பழனிச்சாமிக்கு 10 நாட்கள் கெடு விதித்தார்.

அதைத் தொடர்ந்து 6ம் தேதி செங்கோட்டையன் வகித்து வந்த கழக அமைப்பு செயலாளர், ஈரோடு புறநகர் மேற்கு மாவட்ட செயலாளர் பதவிகளை பறித்த எடப்பாடி பழனிசாமி பறித்தார். அதோடு செங்கோட்டையன் ஆதரவாளர்கள் சத்தியபாமா, உட்பட 13 பேரின் கட்சி பதவிகளை பறித்தும், அத்தாணி பேரூர் கழக துணைச்செயலாளர் மருதமுத்து உள்ளிட்ட 2 பேரை அடிப்படை உறுப்பினர் கட்சியில் இருந்து டிஸ்மிசும் செய்தார்.

தொடர்ந்து, சில நாட்களுக்கு முன் டெல்லி சென்ற செங்கோட்டையன், அங்கு ஒன்றிய உள்துறை அமைச்சர் அமித்ஷா, நிதியமைச்சர் நிர்மலா சீதாராமனை சந்தித்து திரும்பினார்.