‘ஓரணியில் தமிழ்நாடு’ திமுக உறுப்பினர் சேர்க்கை தொடங்குகிறது

தமிழ்நாட்டின் மண், மொழி, மானம் காப்பதற்காக திமுக சார்பில் ஓரணியில் தமிழ்நாடு உறுப்பினர் சேர்க்கை நாளை தொடங்குகிறது என்று குமரி கிழக்கு மாவட்ட திமுக செயலாளர் மேயர் மகேஷ் தெரிவித்தார்.

- 

குமரி கிழக்கு மாவட்ட திமுக செயலாளர் நாகர்கோவில் மாநகராட்சி மேயர் மகேஷ், குமரி மேற்கு மாவட்ட செயலாளர் அமைச்சர் மனோதங்கராஜ் சார்பிலும் நாகர்கோவிலில் நேற்று நிருபர்களிடம் கூறியதாவது:

திமுக தலைவர், தமிழ்நாடு முதலமைச்சர் ‘ஓரணியில் தமிழ்நாடு' என்ற உறுப்பினர் சேர்க்கை பிரசாரத்தை தொடங்கியுள்ளார். குமரி மாவட்டத்தில் அடுத்த 45 நாட்களுக்கு கிராமம், நகரம், வார்டு வாரியாக அனைத்து பகுதிகளிலும் இந்த உறுப்பினர் சேர்க்கை நடைபெற உள்ளது. தமிழ்நாட்டின் மண், மொழி, மானம் காக்க தமிழ்நாட்டில் ஒவ்வொரு குடும்பத்தையும் ஒன்று திரட்டும் வகையில் இந்த உறுப்பினர் சேர்க்கை நடக்கிறது.